Carita Pengalaman

Ing Malang

Nalika kula kelas wolu, kula study tour dhateng Malang. Panggenan ingkang dipunpuruki nggih punika Jawa Timur Park II kaliyan Taman Safari Prigen

Wonten Jatim Park II kula kaliyan kanca-kanca remen sanget amargi kathah dolanan ingkang dereng nate kula kaliyan kanca-kanca sumerepi. Kaping sepindah kula nyobi Jet Coaster. Sawaunipun kula ajrih, nanging sak sampunipun nyobi raosipun ngremenaken. Lajeng kula numpak Kora-kora. Kora-kora punika bandulan ingkang wujudipun kapal bajak laut. Wonten Kora-kora punika raosipun mboten kantenan. Kula bengok-bengok gonthelan kanca kula. Kanca kula naming mendel amargi langkung ajrih tinimbang kula.

Bibar numpak Kora-kora kula mlebet Rumah Hantu. Ing mriku kawontananipun peteng ndedhet. Wonten suwanten ingkang nggegirisi githok mengkorog, ngantos kula mboten wantun mbikak mripat. Kula naming mlampah cepengan kanca kula. Nalika sampun badhe medal, cepenganipun icul. Kula banjur mlajar madosi kanca kula, nanging mboten kepanggih-kepanggih. Lajeng kula dawah amargi kula mboten mangertos menawi wonten undak-undakan. Kula langsung mlajar maleh malh nabrak pager wesi. Tangan kula mlicet. Wusananipum kula saged medal piyambak. Wahhh,…raosipun lega sanget.

Saklajengipun kula nyobi Star Space. Star Space punika pesawat ingang mlampahipun mubeng. Bibar niku pak guru nimbali supados murid-murid enggal memplak amargi wekdalipum sampun telas.

Ringkesan Cerkak

Taksih Wonten Pangarep-Arep

            Larjo, lare kelas VI ingkang dados pemulung katon sedhih nalika nembe nyambut damel, amergi piyambakipun kemutan simbokipun ingkang nembe gerah. Larjo boten saget mbekta simbokipun dateng puskesmas amergi boten gadhah arta lan tabunganipun sampun dingge mbayar wragat ujian. Saksampunipun nyade asilipun mulung wonten nggene Pak Brata, Kang Salim maringi Larjo arta kagem nambakaken simbokipun.

            Enjinge, Larjo nderekaken simbokipun dhateng puskesmas. Amergi nderekaken simbokipun, Larjo telat mlebet sekolah. Larjo lajeng didangu Bu Aminah. Saksampunipun Larjo njlentrehaken alesanipun, Bu Aminah ndawuhi Larjo lenggah.

            Alon-alon Larjo mbikak tasipun, lajeng ngedalaken bundhelan kertas ingkang wingi dipunpanggihaken wonten ing TPA. Nalika Larjo ndudut malih, wonten buku tipis ingkang coveripun wonten tulisan Akta Hak Milik Tanah. Nalika ngaso, Larjo matur ngengingi panggihanipun dhumateng Bu Aminah. Lajeng bibar sekolah, Bu Aminah ngeteraken Larjo wonten ing kantor polisi saperlu matur ngengingi barang ingkang dipanggihaken Larjo.

            Sawijining sonten, Pak Solikin ingkang anggadahi buku Akta Hak Milik Tanah rawuh wonten ing griyanipun Larjo. Pak Solikin ngaturaken panuwun dhumateng Larjo ingkang sampun manggihaken buku Akta Hak Milik Tanahipun Pak Solikin. Lajeng Pak Solikin ngangkat Larjo kaliyan adhinipun dados putranipun minangka tandha panuwun.

Tema:

            Tumindak becik

Latar:

·         Papan              : sangandapipun wit kepuh, TPA, dalemipun Pak Broto,  griyanipun Larjo, sekolah, kantor polisi, wonten ing latar

·         Wektu             : siang, wanci jam gangsal sonten, enjing, wanci jam sanga kliwat, ngaso, bidhal sekolah, sawijining sonten

·         Suwasana        : sedhih, bungah

Alur:

§  Purwaka: Larjo, lare kelas VI dados pemulung katon sedhih nalika nembe nyambut damel

§  Wiwitan perkawis: simbokipun Larjo nembe gerah. Larjo boten saget mbekta simbokipun dateng puskesmas amergi boten gadhah arta lan tabunganipun sampun dingge mbayar wragat ujian

§  Klimaks: Larjo manggihaken buku Akta Hak Milik Tanah

§  Anti klimaks: simbokoipun Larjo sampun waras, lajeng sampun saget nyambut damel malih

§  Resolusi: Pak Solikin ingkang anggadahi buku Akta Hak Milik Tanah nngagkat Larjo kaliyan adhinipun dados putra

Paraga lan Wewatekan:

v  Larjo                : sregep, bekti kaliyan tiyang sepuh, anggadahi tekad ingkang inggil

v  Kang Salim     : loma, remen tetulung

v  Bu Aminah      : sae, wicaksana

v  Pak Solikin      : sae, remen tetulung

Amanat:

Ø  Sinten ingkang nemokaken barang kados dibalekaken dhumatang ingkang anggadahi

Ø  Tumindak becik angsal piwales ingkang becik ugi

Pacelathon

Pacelathon 1

Ibu      : “Lagi ngapa, nduk?”

Kula    :”Kula nembe nggarap tugas”

Ibu      :”Tugas apa?”

Kula    :”Tugas biologi”

Ibu      :”Gampang apa angel? Isoh nggarap ora?”

Kula    :”Saged, tugasipun naming gampil”

Ibu      :”Ibu gawe teh. Yen gelem jupuken dhewe!”

Kula    :”Loh,.. niki napa sanes sirup ta, bu?”

Ibu      :”Kuwi teh, nduk”

Kula    :”Wernanipun kok abang kados sirup? Rasanipun nggih kecut”

Ibu      :”Jenenge iku teh rosela”

Kula    :”Wah,.. kula nembe krungu wonten teh rosela. Ndameleipun saking napa,

bu?”

Ibu      :”Gawene saka kembang rosella sing wernane abang kae. Sakwise dipetik

isoh langsung  dicom. Yen arep didol biasane dipepe dhisik nganti garing”

Kula    :”Yen tumbas wonten pundi?”

Ibu      :”Ana ing apotik utawa ing swalayan”

Kula    :”Teh rosela niku wonten khasiatipun boten?”

Ibu      :”Ana. Khasiate akeh”

Kula    :”Khasiatipun punapa?"

Ibu      :”Rosella ngandut kalsium, vitamin C, D, B1, B2, Magnesium, Omega-3, beta-

caroten, lan 18 asam amino kang dibutuhkake awak. Teh rosella uga bisa

medhukake tekanan darah tinggi, kolesterol, asam urat, kadar gula

darah/diabetes lan marai daya tahan awak dadi apik”

Kula    :”Khasiatipun kathah sanget nggih”

Ibu      :”Mula sregepa ngombe teh rosella kareben awake penak!”

kula    :”Nggih,bu”